Ticker

6/recent/ticker-posts

Suna Hai Log Use Aankh Bhar Ke Dekhte Hain - Urdusad

Suna Hai Log












Suna Hai Log Use Aankh Bhar Ke Dekhte Hain


So Us Ke Shahr Mein Kuch Din Thehar Ke Dekhte Hain


Suna Hai Rabt Hai Usko Kharaab Halon Se


So Apne Aap Ko Barbaad Karke Dekhtey Hain


Suna Hai Dard Ki Gahak Hai Chashm-E-Naaz Uski


So Ham Bhi Uski Gali Se Guzar Kar Dekhtey Hain


Suna Hai Usko Bhi Hai Sheir-O-Shaeri Se Shaghaf


So Ham Bhi Moajze Apne Hunar Ke Dekhtey Hain


Suna Hai Bole To Baton Se Phol Jharte Hain


Yeh Baat Hai To Chalo Baat Kar Ke Dekhtey Hain


Suna Hai Raat Use Chaand Taktaa Rehta Hai


Sitare Baam-E-Falak Se Utar Kar Dekhtey Hain


Suna Hai Din Ko Use Titliyaan Satati Hain


Suna Hai Raat Ko Jugnu Thehr Ke Dekhtey Hain


Suna Hai Hashr Hain Uski Ghazal Si Aankhein


Suna Hai Usko Hiran Dasht Bhar Ke Dekhtey Hain


Suna Hai Uski Siyah Chashmagi Qayamat Hai


So Usko Surma Farosh Aankh Bhar Ke Dekhtey Hain


Suna Hai Uske Labon Se Gulab Jalte Hain


So Ham Bahaarh Pe Ilzaam Dhar Ke Dekhtey Hain


Suna Hai Aaeinaa Tamasil Hai Jabin Uski


Jo Saadaa Dil Hai Use Ban-Sanwar Ke Dekhtey Hain


Suna Hai Uske Badan Ke Taraash Aise Hain


Ke Phol Apni Qabaaein Katar Ke Dekhtey Hain


Suna Hai Uski Shabistaan Se Mut-Tasil Hai Bahisht


Makeen Udhar Ke Bhi Jalve Idhar Ke Dekhtey Hain


Ruke Toh Gardishein Uska Tawaaf Karti Hain


Chale To Usko Zamaane Thehr Ke Dekhtey Hain


Kahaniyan He Sahi Sab Mubalghe He Sahi


Agar Woh Khawab Hai Tou Taabir Kar Ke Dekhte Hain


Ab Usake Shehar Mein Thehrein Ke Koch Kar Jaein


"Faraz" Aao Sitare Safar Ke Dekhtey Hain


Poet: Ahmed Faraz

Post a Comment

0 Comments