Skip to main content

Posts

Showing posts with the label Jaun elia

Umar guzregi imtihan mein kaya - Urdusad

Umar guzregi imtihan mein kaya  daagh hi denge mujh ko dan mein kaya meri har baat be-asar hi rahi  naqs hai kuch mere bayan mein kaya mujh ko to koi Tokta bhi nahi yahi hota hai Khandan mein kaya apni mahrumiyan chupate hain  Hum gharibon ki aan-ban mein kaya Khud ko jaana juda zamane se  aa gaya tha mere guman mein kaya Sham hi se dukan-e-dil hai band  nahin nuqsan tak dukan mein kaya ayi mere subh-o-sham-e-dil ki shafaq  tu nahati hai ab bhi ban mein kaya bolte kyu nahi mere haq mein  aable pad gaye zuban mein kaya  Khamushi kah rahi hai kan mein kaya aa raha hai mere guman mein kaya dil ki aate hain jis ko dhyaan Buhat  Khud bhi aata hai apne dhyan mein kaya wo mile to ye puchhna hai mujhe  ab bhi hun main teri aman mein kaya yu jo takta hai aasman ko tu  koi rahta hai aasman mein kaya hai nasim-e-bahaar gard-alud  Khak udti hai us makan mein kaya yeh mujhe chain kyun nahin paDta  ek hi shakhs tha jahan mein kaya